Busturialdeko Hitza

Galeper tiroketa txapelketa egingo dute bihar Sollubeko `Atxurra´ trebatze zelaian. 16:00etatik 18:00ak bitartean iraungo du lehiaketak, gutxi gora behera. Parte hartu gura duenak ere ordutegi horretan eman beharko du izena. «Lehiaketa martxan dela eman dezake jendeak izena. Asmoa da lehiaketa 18:00ak baino askoz gehiago ez luzatzea, horregatik ipini dugu 18:00ak arte»,a zaldu du ehiza, arrantza eta tiro elkartearen idazkari eta diruzain Carlos Gutierrezek.

Bazkideek 25 euro ordaindu beharko dituzte izena ematerakoan eta gainontzekoek, 30. Diru horren truke bakoitzak sei galeper izango ditu.

Antolatzaileek 10 sari emango dituzte, eta Bermeokoen artean lehenengo sailkatzen denak bi lagunentzako bazkaria irabaziko du, Kafe Antzokian.

Goizean entrenamenduak

Gura duenak entrenatzeko aukera ere izango du, goizean. Sollubeko zelai horretan bertan egingo dituzte entrenamenduak eta, gura izanez gero, galeperrak izango dituzte eskuragai. 2,5 euro orrdaindu beharko da galeper bakoitza.

Gutierrezek esan duenez, urteetan egin izan duten lehiaketa da, eta gaur egun hainbat lagunek parte hartzen dute. «Gutxi gora behera, 30 eta 60 parte-hartzaile artean izaten dira». Bermeotarrez gain, kanpoko jende asko ere etortzen da. «Gernikatik, Zornotzatik, Mungiatik... Baita Donostiatik eta Arabatik ere», zehaztu du.