Busturialdeko Hitza

2005 urtean, Gernikako Gazte Asanbladak bultzatuta eta herritarren zein taldeen laguntzarekin, `Astra Gernikentzako´ ekimena jarri zuten martxan.

Ostean eraikina okupatu zuten zenbait gaztek eta egindako lanarekin azkenean Udalak Astra eroste lortu zuten.

Era berean, `0 km´ prosezua jarri zuten abian. Parte-hartze prosezu horretanAstran zer nolako lan moldeak eta nolako filosofiarekin lan egingo zuten eztabaidatu zuten talde eta herritarrek.

Otsailean hasi zen udaleko Astra batzordea lanean, berau batzorde irekia da. Bertan udaleko talde politikoak, Astra Koordinadorako kideak eta Astrari buruz bere iritzia eman nahi duen edozein herritar biltzen dira. Bost hilabete behar izan dituzte Astra Koordinadora eta udalaren artean sinatu den hitzarmena adosteko.

Adostasuna duela bi aste lortu zuten eta joan zen ostiralean sinatu zuten , baina atzo udaletxe aurrean eta pasealekuan egindako ekiataldietan herritar askoren babesa ere hartu zuen aipatutako hitzarmenak.

17:30ean hasi zituzten ospakizunak udaletxe aurrean, horretarako herritarrek hitzarmena sinbolikoki sinatzeko mahaiak jarri zituzten. 18:50ean egin zuten hitzarmena publiko egiteko ekitaldia. Bertan, Astra koordinadorako kideak eta udal gobernuko ordezkariak bildu eta testu bat irakurri zuten. Pasealekuan egin zuten sardina janagaz bukatu zuten eguna.

Aurrera begira

Astra koordinadotrako kideek hitzarmena «zerbaiten bukaera» izan beharrean «egin beharreko bide baten hasiera» dela aipatu dute. «`1 Km´ parte-hartze prozesu berria sustatzeko konpromisoa hartu» dutela ere gaineratu dute koordinadorako kideek. Parte-hartze prosezu horren bidez «Astra berriaren eduki zehatzak planifikatu eta ezpazioetan nola egokituko diren zehaztuko» dutela gaineratu dute.