Edukira joan

Busturialdeko Hitza

Busturialdea
2008ko abenduak 4, Eguena

Harpidetu zaitez!

Informazio-liburuxkak eta kontsumo baxuko 500 bonbilla banatu ditu EEEk

Gizartea

Energiaren zentzuzko erabilera bultzatzeko kanpaina abiatu du Energiaren Euskal Erakundeak.

maite zabalondo

Eusko Jaurlaritzaren menpe dagoen Energiaren Euskal Erakundeak (EEE) kontsumo baxuko bonbillak eta energia aurrezteko informazio-liburuxkak banatu zituen atzo Bermeoko herritarren artean. Guztira, 500 bonbilla banatu zituzten, pertsona bakoitzeko gehienez bi bonbilla. Horiekin batera zenbait informazio-liburu ere banatu zituzten. Hain zuzen, etxeko energia aurrezteari buruzko gida, ibilgailuentzako bioerregaiei buruzko informazio-liburuxka eta autoa eraginkortasunez gidatzeko doako ikastaroei buruzko informazio-liburua.

Kanpainaren arrakasta

Goizean Atalden izan ziren eta arratsaldean Lameran, baina ia sorta guztiak agortu zituzten goizean. Gaizka Aurrekoetxea Bermeoko Ingurumen saileko teknikariaren esanetan, «gutxienez 100 bat utzi gura izan dituzte arratsalderako. Esan behar da kanpainak benetan arrakasta izan duela Bermeon. Datorren urterako 1.000 sorta ekarri beharko dituzte».

Energia aurrezteko kanpaina duela bi urte egin zuten lehenengoz Bermeon. Orduan 270 bonbilla banatu zituzten, energiaren zentzuzko erabilera bultzatzeko asmoarekin.

 

INKESTA



1. Energia aurreztearen alde al zaude?

«Batez ere informazio bila etorri naiz»

Maribel Ponciano

bermeo



Bai, horregatik etorri naiz kontsumo baxuko bonbillen eta informazio-liburuen bila. Nonbaiten irakurri nuen Eusko Jaurlaritzak bultzatutako kanpaina bat zela eta batez ere informazio bila etorri naiz, askotan gauzak ondo egiten ditugula pentsatzen dugulako eta agian ez da horrela.

«Zenbat eta energia gehiago aurreztu, hobe»

Alberto Aurrekoetxea

bermeo



Jakina baietz. Zenbat eta energia gehiago aurreztu, hobe. Guretzat, herriarentzat eta oro har mundu guztiarentzat. Energia aurreztea beharrezkoa da eta denok kontzientziatu beharko ginateke horretaz. Duela bi urte ere hartu nuen nire bonbilla eta oso pozik egon naiz.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Busturialdeko Hedabideak S.L. - Atalde 17, atzealdea - BERMEO - Tel.: 94 618 72 99
Faxa: 94 688 11 93 - E-posta:

Internet Ehuntzen S.L.-k garatua

Busturialdeko Hedabideak S.L.ko kideak: Itsuki irratia (Berko Kultur Elkartea) Busturialdean Euskaraz Bizi
Bertako Hedabideak (EKT)
eta Busturialdeko Hedabideak Kultur Elkartea: 42 gizarte eragile.

 

Lege Informazioa