Edukira joan

Busturialdeko Hitza

Busturialdea
2008ko urriak 7, Martitzena

Harpidetu zaitez!

Bermeo aurretik doa trainerilla denboraldian

Kirola

Bihar eta etzi denboraldiko laugarren eta bosgarren estropadak jokatuko dituzte Ondarroako uretan.

maite zabalondo

Aurtengo trainerilla denboraldiko Bizkaiko lehen hiru estropadak Bermeo B taldeak irabazi ditu. Lehen hiru jardunaldi horiek jokatuta, Bermeoko taldea aurretik doa. Bihar eta etzi denboraldiko laugarren eta bosgarren estropadak jokatuko dituzte Ondarroan.

Bizkaian Gipuzkoan baino arinago ekin diote trainerillen denboraldiari; hain zuzen, apirilaren azken aurreko astean jokatu zuten lehenengo estropada. Bigarren eta hirugarren jardunaldiak, berriz, pasa den astean jokatu zituzten, hiruretan lehenengo eginez.

Bermeotik talde bat baino gehiago

Bermeo talde bat baino gehiagorekin ari da; orain arte Bermeo B taldeak irabazi ditu estropada guztiak eta Bermeo A bigarren izan da azkenengoan ezik beste bietan. Patxi Bilbao Bermeoko trainerillen entrenatzaileak azaldu duenez, «urtero bi edo hiru talde egiten ditugu eta gero horien artean hautaketa bat egiten dugu, kluba ordezkatuko duen taldea osatuz».

Hurrengo asteetan

Bihar eta etzi Ondarroako uretan jokatuko dituzten estropaden ostean, Bizkaiko eta Euskadiko txapelketak jokatuko dituzte datozen asteetan.

Datorren asteburuan Bizkaiko txapelketa izango dute eta hurrengoan Euskadiko txapelketa.

Bermeoko entrenatzailearen esanetan, «gogor jarraituko dugu eta ea uztailera arte horrela mantentzen garen».

 

«Uste dut aukerak ditugula lehen postuan mantentzeko»

Patxi bilbao ð- Bermeoko trainerillen entrenatzailea

Arrauna

Bermeotarrak gogor ikusten ditu bere mutilak, aurten ere garaipenak eskuratzeko moduan.

m. zabalondo



Patxi Bilbao (Bermeo, 1964) Bermeoko trainerillen entrenatzailea da, Urdaibai Arraun Taldeko entrenaitzaile izateaz gain. Apirilaren amaieran hasi zuten trainerilla denboraldia eta Bizkaian jokatu diren hiru estropadetan Bermeo B taldea izan da garaile.

Nola ikusten dituzu zure mutilak?

Aurtengo denboraldirako prestakuntza atzeratu egin dugun arren, gogor ekin diogu denboraldiari eta uste dut aukerak ditugula orain gauden lehen postu horretan mantentzeko. Hala ere, gero ikusiko da txapelketetan zer gertatzen den, baina momentu honetan ikusten dut gogor daudela. Ea uztailera arte indarragaz mantentzen garen.

Iazko denboraldiagaz alderatuta, aurten nola ikusten duzu taldea?

Iazko antzera ikusten dut. Pasa den urtean ere ondo ibili ginen. Bizkaiko eta Euskadiko txapelketak irabazi genituen iaz.

Beraz, entrenatzaile bezala, Bermeok aurten ere aukera handiak dituela uste al duzu?

Aurten ere aukerak ditugu, baina beste talde batzuk ere badaude gogor dabiltzanak. Bizkaian, esaterako, Isuntza eta Kaiku daude eta Euskadiko txapelketarako Hondarribia, Orio, San Pedro, Zarautz...Betiko taldeak daude, gogor ibiliko direnak.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Busturialdeko Hedabideak S.L. - Zubiaurtar Kepa, 72 - BERMEO - Tel.: 946187299
Faxa: 946881193 - E-posta:

Internet Ehuntzen S.L.-k garatua

Busturialdeko Hedabideak S.L.ko kideak: Itsuki irratia (Berko Kultur Elkartea) Busturialdean Euskaraz Bizi
Bertako Hedabideak (EKT)
eta Busturialdeko Hedabideak Kultur Elkartea: 42 gizarte eragile.

 

Lege Informazioa