
2008-10-09 | 11:04:16
Eguzki-plakak jarriko dituzte Areneko kiroldegiaren teilatuan
Hamabost kilowatteko plakak jarriko dituzte energia berriztagarriak bultzatzeko proiektuen baitan.
Eguzki-plaka fotovoltaikoak jarriko dituzte Arene kiroldegiaren teilatuan "argindarra sortzeko", Itxaro Zabala Kirol Patronatuko zuzendariak jakinarazi duenez.
Bermeoko Udalak hitzarmen bat sinatu zuen Energiaren Euskal Erakundearekin (EEE) eta akordio horren ondorioz, Zabalaren arabera, "2004 eta 2006 urteen artean energia berriztagarrien inguruan proiektu batzuk egin dira".
Azaldu duenez, "eskola publikoetan bost kilowatteko instalazio fotovoltaikoa jarri da; Udal azokan 25 kilowatteko beste bat, eta, zaharren egoitzan, egunean 6.000 litro ur berotzeko plaka termikoak".
"Eguzki-plaka termikoak ura berotzeko erabiltzen dira eta fotovoltaikoak, bestalde, argindarra lortzeko", azaldu du Zabalak. Horren harira, "Arene kiroldegian 15 kilowatteko plaka fotovoltaikoak" jarriko dituztela azaldu du.
Parte hartu | Zure mezua bidali
Parte hartzeko arauak
© Busturialdeko Hedabideak S.L. - Atalde 17, atzealdea - BERMEO - Tel.: 94 618 72 99
Faxa: 94 688 11 93 - E-posta: busturialdea@busturialdekohitza.info
Internet Ehuntzen S.L.-k garatua
Busturialdeko Hedabideak S.L.ko kideak: Itsuki irratia (Berko Kultur Elkartea)
Busturialdean Euskaraz Bizi
Bertako Hedabideak (EKT)
eta Busturialdeko Hedabideak Kultur Elkartea: 42 gizarte eragile.